لا حبي عادي ولا إحساسي لك عادي
وما هز عرش الضلوع بصدري إلا الحب
موطنك روحي وتدري عرشك فؤادي
والكرسي يؤخذ وما يعطى ولا يوهب
أهواك للموت وحبك مزعج رقادي
لا تسأل شلون أنا من نفسي مستغرب
من يوم قهويتني صوتك وهو قنادي
وأنا اللي راسي سما ما جابه كل من هب
عنادي خيلك وإنت مروّض عنادي
لكن ما دامك عليّ غالي وأنا أنحب
بحتل روحك وأخلي عيونك بلادي
وأباخِذه قلبك إمن أقصاه إلين اللب
أبيك في دنيتي وتفداك حسادي
بيتي وناسي وأبي لجروحي إنت الطب
ولأني مميز وما يعجبني العادي
ما بين عقل وقلب أبيك عقل وقلب